Kabelleggarkontrakt til Vard

Det 95 meter lange fartøyet skal byggast for eit «international shipping company», skriv Vard-eigar Fincantieri i ei pressemelding.

Vard skal både designe og bygge skipet.

Les pressemeldinga her

Kva Vard-verft skipet skal byggast på, er ikkje opplyst. Men etter det NETT NO erfarer skal skroget byggast på eitt av Vard-verfta i Romania og utrustast på eitt av Vard-verfta på Nordvestlandet.

To milliardar
I november i fjor offenleggjorde Vard-konsernet ein kontrakt på i overkant av to milliardar kroner på bygging av eit kabelleggingsskip for italienske Prysmian Group.

Det rundt 170 meter lange og 34 meter breie fartøyet blir i stor grad likt som Leonardo Da Vinci, eit skip Vard leverte til same kunde i 2021.

Skroget blir bygd i Romania og skipet blir utrusta på Nordvestlandet. Det skal leverast i 2025.

Fire vindskip
I førre veke drog Vard i land ei kontrakt på omlag 2,8 milliardar kroner.

Vard-konsernet skal bygge fire vindkraftskap for selskapet Edda Wind.

To fartøy skal byggast i Vietnam. Skroget til dei to andre skal byggast i Romania og dei to skipa skal utrustast på Nordvestlandet.