Kan tene godt på betre fangstmetode av reker

NPK: I dag kjem mykje fiskeyngel inn i reketrålen og blir øydelagt, og det truar torskebestanden.
– Dersom ein lykkast, kan rekefisket bli ein viktig eksportartikkel i framtida, seier Rita Naustvik Maråk i Fiskeri- og havbruksnæringens forskningsfond til .

Lite vert tatt opp

Forskarane jobbar no med å finne betre tekniske løysingar i rekefisket som kan gi store inntekter til sjømatnæringa.
I dag vert berre ein tredjedel av den anbefalte rekemengda henta opp frå Barentshavet.
Fiskeri- og havbruksnæringens forskningsfond (FHF), som vert finansiert av næringa sjølv, ser derfor eit stort verdipotensial.
– Om vi utnytta potensialet betre, så ser vi på verdiar over halvannan milliard. Altså betydelege beløp, seier fagsjef Rita Naustvik Maråk.

Bifangstproblem

At det berre vert fiska opp ein tredjedel av den tilrådde rekemengda frå havområdet, kjem av utfordringar med bifangst. Bifangst vil seie at yngel av sårbare fiskeartar kjem med i trålen. Konsekvensen er at viktige fiskefelt blir stengde.
For å få til eit rekeeventyr i Barentshavet, vert det derfor jobba for fullt med å løyse utfordringane med bifangst.
Det er investert rundt 30 millionar kroner i eit stort forskingsprosjekt som ser på kva ein kan gjere for å unngå at for mykje småfisk blir tatt opp av reketrålarane.