![Aas Provider foto Wikimedia Commons](/imager/images/2269607/Aas-Provider-foto-Wikimedia-Commons_859d8f71e51cdcc79197ecd3648d156c.webp)
Konkurs for Aas Kystservice
Selskapet melde oppbod.
Aas Kystservice på Vestnes har tatt på seg oppdrag både i oppdrettsnærings og oljebransjen.
I mai 2023 la Aas Kystservice om frå å leige ut Aas Provider til oppdrag for oppdrettsnæringa, til å leige den ut som følgjebåt til seismiske undersøkingar,
Tidlegare i år gav Møre og Romsdal tingrett fem tilsette i Aas Kystservice medhald i krav om arrest i fartøyet Aas Provider, som pant for for lønskrav mot selskapet.
Ei konkursbegjæring frå Skatteetaten skulle opp i retten 9. februar. Den saka blei det ikkje noko av, men no har selskapet sjølv gått til retten og bedt om oppbod.
Aas Kystservice blei registrert i 2011.
Ifølgje konkurskjennelsen har selskapet opplyst at det har ei gjeld på 1,8 millionar kroner og eigendelar som "ikke antas å utgjøre betydelig verdi."
Anna Reistad i advokatfirmaet Øverbø Gjørtz er oppnemnd som bustyrar. Frist for å melde krav er 23. mars og første skiftesamling er torsdag 11. april.
Publisert: 15.02.2024 13:14
Sist oppdatert: 19.02.2024 08:48