Tidleg i fjor vår var Sykkylven på arbeidsløysetoppen i Noreg på grunn av store permitteringar hos møbelprodusenten Ekornes.
Snart var alle tilsette tilbake på jobb og utover hausten starta selskapet den største oppbemanninga på lang tid.
Ved årskiftet hadde konsernet 2846 tilsette, 40 prosent av dei i Noreg.
Tala til Ekornes QM Holding, eigarselskapet til Ekorneskonsernet, viser ein inntektsvekst på 10 prosent frå 2019 til 2020. For fjerde kvartal 2020 samanlikna med fjerde kvartal 2019 er det snakk om ein inntektsvekst på 24 prosent.
(artikkelen held fram under tabellen)
| Ekornes QM Holding as | ||
| Tal i mill. kroner | 2020 | 2019 |
| Driftsinntekter | 3482 | 3169 |
| Driftsresultat | 363 | 235 |
| Resultat før skatt | 178 | 127 |
| Ekornes QM Holding as | ||
| 4. kvartal. I mill. kroner | 2020 | 2019 |
| Driftsinntekter | 1121 | 901 |
| Driftsresultat | 196 | 56 |
Resultat før skatt | 127 | -10 |
Pussa opp og kjøpte nytt
Både nordmenn og utlendingar pussa opp og kjøpte nye møblar i koronatida.
Salet at Stressless-stolar og -sofaer, som stor for 72 prosent av Ekornes-konsernet sine inntekter i fjor, auka med 6 prosent frå 2019 til 2020. IMG, det andre møbelmerket i konsernet, auka med 22 prosent og Svane-madrassen med 26 prosent.
Ventar nedgang
Når koronakrisa ebbar ut ventar Ekornes at møbeletterspørselen blir dempa.
Erfaringane frå handteringa av koronakrisa, nye modellar, auka salsinnsats både i eksisterande og nye marknadar og auka produksjonskapasitet, gjer at konsernet meiner det er godt rusta til å handtere også tida etter krisa.
Publisert: 25.02.2021 09:16
Sist oppdatert: 25.02.2021 10:32
