Kraftig vekst for Atlanterhavsparken

Det er billettinntekter og andre salsinntekter som er heile forklaringa på inntektsveksten til Atlanterhavsparken i Ålesund både i fjor og frå 2020.

Samanlikna med 2019, det siste året før koronapandemien kom, har salsinntektene auka med 92 prosent.

Av 57,7 millionar kroner i drifsinntekt utgjorde salsinntektene 40,8 av 57,7 millionar kroner i samla inntekt for Atlanterhavsparken.

Nærmar seg Bergen
Inntektsveksten i Ålesund gjer at Atlanterhavparken halar innpå Akvariet i Bergen, målt etter inntekt. 

Akvariet i Bergen har ikkje offentleggjort 2024- tala enno, men hadde 45 millionar kroner i salsinntekt i 2023, opp ein million kroner frå 2022. 

Frå 2022 til 2023 auka Atlanterhavsparken salsinntektene frå 29 til 36 millionar kroner.

24 millionar kroner i investeringar
Atlanterhavsparken har betra lønsemda med auka inntekter (sjå tabell) og har solid økonomi, ifølgje årsmeldinga for 2024. 

I løpet av 2025 og 2026 er det budsjettert med investeringar på 24 millionar kroner. 

Stiftinga sysselsette 31 årsverk i fjor.