Kraftig vekst, mindre slakting for laks på land

I februar varsla Salmon Evolution at selskapet venta å slakte cirka 1.100 tonn laks i 1. kvartal (vekt sløyd fisk), men slakta berre cirka 581 tonn går det fram av ei oppdatering frå selskapet.

I første kvartal 2024 vart det slakta 910 tonn. Oppdateringa gjeld drifta i 1. kvartal i år. Ifølgje oppdateringa har Salmon Evolution vald å vente med slakting, og i staden bygge opp biomassen i anlegget.

Salmon Evolution gjorde det same i fjor haust, og utsette slakting til 4. kvartal, og satsa på betre pris - for ein fisk som også hadde fått vekse seg større.

Les børsmelding her

Rekord
Ved utgangen av 1. kvartal i år hadde Salmon Evolution 2939 tonn levande fisk i anlegget, Det er rekord og ei auke på 45 prosent sidan starten av 2025.

I fjerde kvartal i fjor fekk Salmon Evolution om lag 82 kroner per kilo laks som vart levert frå anlegget. I første kvartal i år var gjennomsnittsprisen om lag 75 kroner kiloen.

Fall
Hittil i år har aksjekursen i Salmon Evolution falle 13,17 prosent.

Før børsen opnar måndag var kursen 5,80 kroner aksjen, som er der lågaste nivået sidan våren 2021.