Kvar tilsett omset for 575 millionar

Totalt vart det utbetalt 34 millionar kroner i utbyte i fjor, fordelt på 25 millionar i ordinært utbyte og ni millionar i tilleggsutbyte. Dette skjedde etter eit år der Stranda-selskapet hadde 160 millionar kroner lavare omsetning enn året før, men der resultatet før skatt likevel enda på 46,4 millionar kroner.

(saka held fram etter tabellen)

USA og Canada
Selskapet har berre tre tilsette, sjølv om ein sel laks og ørret for over 1,7 milliardar kroner. Dette betyr at kvar av dei tilsette i snitt omsette for 575 millionar kroner i 2020.

Mykje av salet går til USA og Canada, men i fjor merka selskapet svikt i deler av marknaden, spesielt innanfor hotell, restaurant og catering.

I tillegg var det store svningningar i lakseprisen, samt at mange utgifter auka, spesielt transport og kredittforsikringar.

Men utfrå utfordringane ein stod overfor, er styret godt fornøgd med både omsetning og resultat.

I 2021 forventar selskapet at omsetninga vert på nivå med fjoråret etter at aktiviteten gravis har tatt seg opp att.

Prisar
Selskapet fekk i mai to gull- og ein sølvmedalje under NM i Sjømat som blei arrangert av Sjømatbedriftene.

Dei to nyutvikla produkta Ørretburger urter&ost og grov Ørretpølse chili&cheddar tok gull i klassene osteburger og ferdigrett/ferdigprodukt. Den klassiske lakseburgeren til selskapet som blir seld under merkevaren EatSalmon, vann sølvmedalje for smaken chili&cheddar.

Råvarene frå ørretprodukta kjem frå Storfjorden der selskapet har eit tett samarbeid med Hofseth Aqua.

André Skarbø er 100 prosent eigar av Platina Seafood, eit selskap han starta opp i 2004.