Lik fangst, høgare pris

I andre kvartal i år fiska Lerøy Havfisk i Ålesund nesten akkurat like mykje som i andre kvartal i fjor, men fekk betre betalt. 

Fangsten var ned ein prosent, inntektene opp 48 prosent (sjå tabell), fortel Lerøy Seafood Group i kvartalsrapporten for 2. kvartal.

Les børsmelding her

Årsaka er at reduserte fiskekvotar samanlikna med i fjor har pressa prisen opp. Lerøy Havfisk bremsa også å torskefisket i første kvartal i år, slik at det kunne fiske meir i andre kvartal. 

Torsk er det økonomisk viktigaste fiskeslaget for reiarlaget. Samanlikna med i fjor er torskekvoten til Lerøy Havfisk redusert med 32 prosent. 

Med sine 10 trålarar er Lerøy Havfisk i Ålesund eitt av dei største fiskebåtreiarlaga i Noreg. Reiarlaget er ein del av forretningsområdet villfisk i Lerøy Seafood Group - konsernet, som også er eitt av Noregs største oppdrettselskap. I tillegg til Lerøy Havfisk omfattar forretningsområdet villfisk også fiskeindustriselskapet Lerøy Norway Seafoods. Lerøy Norway Seafoods driv fleire mottak og foredlingsanlegg i Nord-Noreg.

Det store underskotet til Lerøy Seafood Group skuldast mellom anna ei nedskriving på 2,4 milliardar krone av verdien av fisk i sjøen på grunn av det store prisfallet på laks i år.