Lysare utsikter for Golden Energy

Golden Energy Offshore Services reduserte tapa i 2021, samanlikna med året før. Det viser årsrapporten gjort offentleg i ei børsmelding.

Etter to svært vanskelege år, såg Ålesund-reiarlaget «betydeleg betring» i marknaden i siste halvdel av 2021.

Inntektene på 71 millionar var på nivå med året før, men underskotet før skatt på 63 millioner kroner, er betydeleg betre enn i 2020 (sjå tabell under).

Per i dag har reiarlaget alle sine fire skip i arbeid og arbeidet for å få selt PSV-en Enerrgy Scout er sett på vent, grunna positive resultat også for drifta for dette fartøyet, opplyser selskapet i årsrapporten.

Reiarlaget har engasjert Fearnley Securities og BAHR for å hjelpe til med refinansieringa av kjøpsavtalene for skipa Energy Empress og Energy Duchess, og ventar at dette vil lukkast etter at tilgang på finansiering har blitt betre.