Hexagon Composites-sjef Philipp Schramm er forsiktig optimist med tanke på 2026. Det opplyser han samtidig som selskapet torsdag morgon legg fram tal for 4. kvartal i fjor.
«Etter å ha brukt mesteparten av 2025 på å navigere i en enestående nedgang i bransjen, leverte vi sekvensiell omsetningsvekst og forbedret lønnsomhet i fjerde kvartal», fortel Schramm.
Investorane reagerte med å sende aksjekursen opp frå start torsdag. Ein liten halvtime inn i handelen var kursen opp kring 3,5 prosent til 8,70 kroner aksjen.
Betring i siste kvartal
Driftsinntektene for året enda i underkant av tre milliardar – ein kraftig nedgang frå nær fem milliardar året før. Resultat før skatt enda på 1,2 milliardar i minus, også det ei betydeleg forverring frå året før.
For 4. kvartal blei inntektene om lag halvert samanlikna med same kvartal i 2024. Etter å ha levert minusresultat tidlegare i 2025, enda 4. kvartal med eit overskott på nær 50 millionar kroner.
saka held fram under
| Hexagon Composites ASA | ||
| Pr. 4. kvartal. i mill. kroner | 2025 | 2024 |
| Driftsinntekt | 2955,2 | 4877,2 |
| Driftsresultat | -149,7 | 370,1 |
| Resultat før skatt | -1232,1 | -906,1 |
| Hexagon Composites ASA | ||
| 4. kvartal. i mill. kroner | 2025 | 2024 |
| Driftsinntekt | 831,4 | 1532,9 |
| Driftsresultat | 49,8 | 179,9 |
| Resultat før skatt | -147,6 | -689,7 |
Ventar gradvis betring
Schramm venter framleis effekt av usikkerheita i marknaden, er han oppmuntra av å sjå det han omtalar som ei gradvis stabilisering i kjernemarknaden, saman med ein positiv effekt av kostnadstiltak.
Hexagon Composites lagar tankar og system for bruk av natur og biogass som energikjelde. Hovudkontoret ligg i Ålesund, men hovudmarknaden er i Nord-Amerika, der også produksjonen skjer.
Det er spesielt marknaden for store mobile gasstankar som har svikta det siste året. Det er tankar som blir brukt til energiforsyning i industri og anlegg.
I 2026 ventar selskapet eit roleg første halvår med gradvis betring i andre halvår, blir det opplyst i børsmeldinga.
Trur på større bestillingar
Tidleg torsdag kunne selskapet også opplyse om ein ny kontrakt for dotterselskapet Hexagon Agility for høgtrykksbeholderar for bruk i luftfarten til ein verdi av 70 millionar kroner.
Kunden er eit kommersielt flyselskap som ikkje blir namngitt, i børsmeldinga.
Vidare i 2026 ventar Hexagon Composites at planar om fleire større bestillingar, vil materialisere seg til konkrete ordrar.
Resultat etter 3. kvartal 2025:
Les også
Publisert: 12.02.2026 09:16
Sist oppdatert: 12.02.2026 09:45
