Mindre vekst i utlån

Ved utgangen av første kvartal i år hadde Sparebanken Møre sine utlån til bedriftskundar auka med 3,8 prosent i siste 12-månadars periode. Ved utgangen av 4. kvartal i fjor var utlånsveksten til næringslivet 5,4 prosent i siste 12-månadarsperiode.

Tala for utlån til privakundar er 4,1 prosent vekst i siste 12-månadarperiode ved utgangen av 1. kvartal i år og 4,3 prosent ved utgangen av 4. kvartal 2021.

Les børsmelding her

Klokka 08:00 i dag blir 1. kvartalstala presentert. Sjå presentasjonen direkte, eller i opptak her.

Krig og prisauke
Den fallande veksttakta i utlån er noko som også skjer på landsbasis. I kvartalsrapporten for 1. kvartal 2021 skriv banken at krigen mellom Ukraina og Russland gjer at utsiktene for vekst i internasjonal økonomi er svekt.

Prisstiging reduserer kjøpekrafta til hushaldningane og aukar kostnadane for bedriftene

Aktivitetsnivået i regionen er høgt, skriv banken i rapporten.

Etter at dei hardaste smitteverntiltaka blei letta på, og fram til at dei er fjerna heilt, har det gradivs blitt fleire og fleire i arbeid.

I Møre og Romsdal er arbeidsløysa på 1,8 prosent heilt ledige, under landsgjennomsnittet.

Børsvinnar i fjor
I løpet av 2021 steig kursen på eigenkapitalbevisa i Sparebanken Møre frå 59,20 til 88,80 kroner per eigenkapitalbevis.

Kursauken held fram til 26. januar i år. Då var kursen 97,80 kroner. Før børsen opnar i dag er kursen 87,50 kroner.