Ny Hexagon-nedtur etter talslepp

Nedturen for Hexagon Composites-aksjen held fram torsdag, etter at selskapet leverte tal for 1. kvartal. 

Ein halvtime inn i handelen er kursen ned drygt åtte prosent til 18 kroner. Det er eit fall på kring 60 prosent i løpet av året. 

Kvartalsrapporten viste lågare inntekter og eit svekka resultat frå drifta.  EBITDA-resultatet enda på 44 millionar kroner i pluss – ned frå 59 millionar i same kvartal i fjor. 

– Til tross for motvind har vi levert en stabil prestasjon i første kvartal, uttaler Hexagon Composites-sjef Philipp Schramm i børsmeldinga. 

Resultat før skatt viser eit underskot på drygt 835 millionar. Hovudårsaka er ei nedskriving av verdien for Hexagon Purus-aksjane på 509 millionar kroner. Rekneskapen for hydrogenverksemda i førre veke, viste eit kraftig resultatfall.

Saka blir oppdatert