Ny start for Moods of Norway

- Vi har kjøpt tilbake heile konkursbuet, Brandstad-kjeden, Moods USA, Moods Sverige, varelager, innbu .... og varemerket, sjølvsagt. Alt! seier Jan Egil Flo
I helga blir det opphørsal i alle butikkane, og Flo seier til avisa at alle tilsette som ikkje har fått seg ny jobb får jobben tilbake.
Hovudkontoret skal framleis ligge i Stryn.

Fem konkurrentar

Bustyrar Asbjørn Løvik vil ikkje oppgi kjøpesummen, men seier til NETT No at det var fem bodgivarar som konkurrerte om å kjøpet konkursbuet, og at dei tidlegare eigarane la mest pengar på bordet.
- Dei som vekk tilslaget var dei som hadde det høgaste bodet, seier Løvik.

Tre år med tap

Moods of Norway har gått med store tap dei siste åra, og i september var det kroken på døra.

Interessentar til å ta over varelager og/eller heile buet kom raskt på banen, og no er det klart at grunnleggarane vil prøve på ny.

- Vi måtte jo redde selskapet. Vi har framleis tru på det, seier Flo til Fjordingen.

200 personar råka

200 personar misste jobben etter konkursen i Moods of Norway og Moods Wholesale. Dei arbeidde på kontoret i Stryn og Oslo og på 18 butikkar i Noreg.
Kor stort omfanget av det nye selskapet blir er ikkje klart, i følgje Flo.
Ved konkursopninga anslo bustyrar Asbjørn Løvik at selskapet har samla aktiva på 70 millionar kroner, medan gjelda er på 112 millionar kroner.