Nytt godt år for Foldal

Selskapet, som lagar stempel, skilt og svijern, fekk eit resultat før skatt som utgjer over 35 prosent av driftsinntektene i 2017 (sjå tabell).
- Vi er godt fornøgde, seier Arild Foldal, ein av eigarane i det familieeigde selskapet, om 2017-resultatet.

Skulestove

Foldal Stempel held til i den nedlagde skulestova i Follestaddalen i Ørsta.
Selskapet sysselsette 8,2 årsverk i fjor, opp frå sju i 2016.

Internett

Selskapet har snudd seg mot nye marknadar, spesielt dørskilt, for å kompensere for at stempelmarkanden ikkje er i vekst.
Frå 2012 til 2017 dobla Foldal Stempel driftsinntektene, og fekk ein liten vekst i fjor og. For 2018 seier Arild Foldal at dei ventar eit resultat omlag som i 2017.
I løpet av dei siste tre-fire åra har selskapet lagt om markandførininga og brukar no nesten alle marknadsføringsmidla på internett.