Nytt vekstår for advokatbransjen
Andre år på rad med tosifra vekst for dei største advokatselskapa på Nordvestlandet.
Etter nesten null vekst frå 2020 til 2021, auka inntektene til dei 15 største advokatselskapa på Nordvestlandet med 12 prosent i 2022. Veksten held fram i fjor.
Advokatselskapa i regionen auka inntektene med 10 prosent samanlikna med 2022, og selde advokattenester for tilsaman 205 millionar kroner.
Snevrar vi inn til dei 10 største, var veksten 11 prosent.
Utvidar vi til dei 30 største advokatselskapa frå Nordfjord i sør til Molde/Rauma i nord, er veksten seks prosent.
Les resultat frå tidlegare år:
Over halvparten til dei tre største
Dei tre største advokatselskapa, Øverbø Gjørtz, Adviso og Judicia står åleine for over halvparten av inntektene til dei 30 største regionalt eigde advokatselskapa på Nordvestlandet.
Alle tre hadde vekst i fjor. Øverbø Gjørtz og Judicia var i underkant av gjennomsnittsveksten for dei 30 selskapa i Nett No si oversikt - medan Adviso hadde ein vekst på 26 prosent (sjå tabell under).
Dei fleste selskapa i oversikta er så små at det kan vere tilfeldige svingingane frå år til år, men samla gir oversikta eit bilete av etterspørselen etter advokattenester i regionen.
Les resultat frå i år:
Manglar avdelingstal
Årsrekneskapa til advokatselskapa med lokalt eigarskap fortel ikkje alt om kva bedrifter og privatpersonar på Nordvestlandet brukar på slike tenester i løpet av eit år.
Spesielt hos næringslivet blir det også brukt advokatar med adresse utanfor regionen, eller frå større advokatselskap med avdelingar på Nordvestlandet.
Både Kvale Advokatfirma, Advokatfirmaet Schjødt og Sands advokatfirma har avdelingskontor i Ålesund.
I tillegg har revisjon-, rådgiving- og advokatselskapa PriceWaterhouseCoopers (PwC), KPMG og EY advokatar sine avdelingskontor på Nordvestlandet.
Tabellen som viser vekst for advokatane:
| 30 største advokatselskap på Nordvestlandet | |||||
| Tal i mill. kroner | Driftsinntekt | Resultat før skatt | |||
| 2023 | 2022 | 2023 | 2022 | ||
| ADVOKATFIRMAET ØVERBØ GJØRTZ AS | Molde | 64,1 | 61,9 | 0,0 | 0,0 |
| ADVISO ADVOKATFIRMA AS | Ålesund | 36,8 | 29,2 | 11,2 | 5,7 |
| ADVOKATFIRMAET JUDICIA DA | Ålesund | 36,8 | 35,1 | 9,8 | 20,6 |
| LARHAMMER AARSETH ADVOKATFIRMA AS | Molde | 10,1 | 11,1 | 0,0 | 0,0 |
| ADVOKATFIRMAET ANGELSHAUG & CO AS | Kinn | 8,5 | 9,8 | -0,5 | 0,1 |
| ADVOKAT ERIK WOLD | Molde | 8,2 | 6,0 | 5,5 | 4,1 |
| ADVOKATFIRMAET ENGELSEN DA | Ålesund | 8,0 | 8,9 | 1,1 | 2,0 |
| ADVOKATFIRMAET SPORSHEIM AS | Molde | 7,8 | 5,5 | 0,8 | 0,1 |
| ADVOKATFIRMAET LUNDBERG OG LANGVA AS | Ørsta | 7,0 | 4,9 | 1,4 | 0,7 |
| TINDE ADVOKATFIRMA AS | Ålesund | 4,2 | 0,0 | 0,2 | 0,0 |
| ADVOKAT JØRUND KNARDAL AS | Volda | 3,5 | 3,4 | 1,4 | 1,3 |
| ADVOKAT JAN ERIK MARDAL AS | Gloppen | 3,4 | 3,2 | 0,2 | 0,0 |
| ADVOKATENE HOVDE MNA AS | Ålesund | 3,4 | 3,6 | 0,1 | 0,6 |
| ADVOKAT TARJEI AASEN AS | Ålesund | 3,3 | 3,5 | -0,5 | 0,3 |
| BAUTA ADVOKATFIRMA AS | Ålesund | 3,3 | 2,8 | 0,2 | 0,1 |
| ADVOKAT THORE HEGGEN AS | Stryn | 3,2 | 3,4 | 1,5 | 1,7 |
| ADVOKAT AXEL LANGE AS | Ålesund | 3,0 | 3,1 | -0,1 | 0,3 |
| ADVOKAT ERLING FLISNES | Ålesund | 2,7 | 2,9 | 1,4 | 0,7 |
| ADVOKAT METTE EKROLL NYLAND | Ålesund | 2,5 | 2,4 | 2,1 | 2,0 |
| ADVOKAT MADS LIND JENSET | Molde | 2,5 | 2,4 | 1,6 | 1,8 |
| ADVOKAT RAGNHILD CAMILLA PEDERSEN | Molde | 2,4 | 1,5 | 1,6 | 1,1 |
| ADVOKATFIRMAET OPSHAUG DA | Ålesund | 2,3 | 2,2 | 0,8 | 0,7 |
| ADVOCATOR ADVOKATFIRMA AS | Ålesund | 2,2 | 8,1 | 0,2 | -1,0 |
| ADVOKAT ASTRID BOLSTAD | Molde | 2,0 | 2,1 | 1,3 | 1,4 |
| ADVOKAT METTE LOE AS | Ålesund | 2,0 | 2,3 | 0,1 | 0,4 |
| ADVOKAT BJØRN KRISTIAN HOVE | Ålesund | 1,9 | 1,9 | 1,5 | 1,5 |
| ADVOKAT BJØRN-IVAR BORGUND | Ålesund | 1,9 | 1,6 | 1,4 | 1,1 |
| ADVOKAT DAGFINN TYNES AS | Ålesund | 1,9 | 1,9 | 0,0 | 0,0 |
| ADVOKAT LINDA BREVIK AS | Ulstein | 1,8 | 1,4 | 0,2 | 0,1 |
| ADVOKAT REKKEDAL AS | Ørsta | 1,7 | 2,4 | 1,2 | 0,6 |
Publisert: 12.05.2024 00:00
Sist oppdatert: 11.05.2024 23:42