OFS nesten i mål

I førre veke teikna fleire investorar seg for rundt fem millionar kroner i kapitalutvidinga i det landbaserte oppdrettselskapet OFS ved Måløy.

Selskapet manglar no 5,3 millionar kroner på å nå minstemålet for kapitalutviding, 56,25 millionar kroner.

- Vi forventar at vi kjem i mål, seier medeigar og styreleiar Ronny Magne Almenning.

Utvida kapasitet
Pengane frå kapitalutvidinga skal finansiere neste steg med utbygging og auka produksjonskapasitet til selskapet.

OFS sitt landbaserte anlegg ligg mellom Måløy og Raudeberg i tidlegare Vågsøy kommune. Selskapet har gjennomført si første slakting og satsar på å vere i gang med kommersiell aktivitet neste år.

Forlenga frist
Kapitalutvidinga til OFS blir gjort gjennom Dealflow, eit selskap som har spesialisert seg på å spleise selskap med mindre investorar.

Teikningsperioden til OFS si kapitalutvidin starta før jul i 2023 opg målet var at kapitalutvidinga skulle vere fullført innan 2023 var ute. Så raskt har det ikkje gått, og fristen for å teikne seg har vore forlenga fleire gangar.