Oljeoppsving for Stryvo

Den mekaniske industribedrifta i Stryn, med dotterselskap i Bismo og Oslo, fekk eit kraftig oppsving i 2023, etter at både inntekt og lønsdemd fall frå 2021 til 2022.

- No er vi tilbake på track, seier Jostein Bøe.

Justert for litt handel mellom dei tre selskapa hadde konsernet i overkant av 180 millionar kroner i samla driftsinntekter i fjor. Og dei ligg an til vidare vekst i år.

Olje og gass er tilbake
Det er leveransar både til fornybar energibransjen og olje- og gassbransjen som gir oppsving for Stryvo-bedriftene. I tillegg har selskapet vunne nye kundar og fått ein storleik som gjer det lettare å konkurrere om større oppdrag.

Konsernet har om lag 100 tilsette, med produksjonsanlegget i Stryn som den største arbeidsplassen.

To eigarar
Jostein Bøe eig 66 prosent av Stryvo gjennom sitt eige selskap Bøe Invest.

Den andre eigaren er Arild Bødal, gjennom selskapet AHB Invest.

Bøddal er også medeigar i ei anna mekanisk industribedrift i Stryn, Nomek, og i børsnoterte Norva24.

Nomek lagar og reparerer påbygg og utstyr til lastebilar, mellom anna til bilane Norva 24 brukar. Norva 24 si hovudverksemd er vedlikehald og utbetring av infrastruktur under bakken, mellom anna vedhjelp av spyling og slamsuging.