Oppsving for Espen Digernes

Espen Digernes eig Brages Holding, som er 100 prosent eigar i Brages Bilforretning i Ålesund, 91 prosent eigar i Toyota Sunnmøre i Ørsta og 51 prosent eigar i Autoservice i Kristiansund.

Alle tre Toyotaforhandlarane hadde eit kraftig oppsving i driftsinntekter og lønsemd frå 2020 til 2021 (sjå tabell). Toyota Sunnmøre og Autoservice har aldri hatt høgare driftsinntekter enn i fjor.

(Brages Bilforretning er også Lexus-forhandlar).

Ladbar hybrid
Det var den ladbare versjonen av Toyota sin hybridmodell Rav 4, saman med varebilsalet, som var hovudårsaka til auken for dei tre Toyotaforhandlarane i fjor, seier Digernes.

I fjor blei det registrert 362 nye Toyota personbilar på Sunnmøre, ein auke på 11 prosent frå året før.

Oppsving med elbil
Så langt i år ser registreringsstatistikken for nye bilar dyster ut for Toyota, med ein nedgang på 46 prosent samanlikna med same periode i fjor.

Ingen andre bilmerke har så stor nedgang i talet på nyregistrerte bilar på Sunnmøre som Toyota.

Men likevel seier Digernes Toyota-forhandlarane ligg an til vekst også i år.

- Det er eit utruleg spesielt år. Vi held nivået og aukar. Det er kontraktsoppgang, seier Digernes.

Det spesielle er at dei tre Toyota-forhandlarane nesten ikkje leverer bilar. Grunnen er leveringstider. Det ikkje når kunde og bilforhandlar signerer ein avtale salet skjer og blir bokført, men først når bilen blir levert og registrert.

I år lanserer Toyota sin første reine elbil, og den står for omlag 80 prosent av nybilsalet i år.

Desse bilane kjem først i andre halvår, og så langt vil alle som har bestilt få bilen sin i år, ifølgje Digernes.