Partane i maskiniststreiken innkalla til Riksmeklaren

– Den kraftigaste opptrappinga til no, seier administrerande direktør Hege-Merethe Bengtson i Det Norske Maskinistforbund om den siste utvidinga av streiken.

No er partane innkalla til møte hos riksmeklaren på fredag, seier ho til Nett No.

Streiken starta 13. desember i fjor etter at meklinga mellom Fiskebåt og maskinistforbundet mislukkast. Fiskebåt organiserer eigarane av den havgåande fiskeflåten.

Opptrappinga av streiken kom fredag i førre veke, og er den tredje opptrappinga sidan streiken starta.

33 fartøy
Det siste varselet om opptrapping av streiken, omfattar 33 fiskefartøy, fordelt på 20 fiskebåtreiarlag.

Det er usemje om nivået på den faste løna til maskinistane striden står om. Det er eit avgjerande element i inntekta til maskinistane, og har berre blitt justert tre gangar dei siste ti åra, argumenterer maskinistforbundet.

Fiskebåt argumenterer i eit lesarinnlegg i Nett No med at maskinistforbunder fekk same tilbod som andre fagforeiningar takka ja til og at maskinistane - og andre tilsette i havfiskeflåten - har hatt ei svært god lønsutvikling dei siste åra.

Her er dei nye fartøya som er tatt ut i streik:

• Rosund Drift AS: "Atlantic Star"
• M. Ytterstad AS: "M. Ytterstad"
• Rødholmen AS: "Rødholmen"
• Prestfjord AS: "Holmøy", "Prestfjord", "Sunderøy"
• Hammerfest Industrifiske AS: "Doggi", "Rypefjord"
• Nordland Havfiske AS: "Gadus Njord", "Havtind", "Vesttind", "Nordtind"
• Finnmark Havfiske AS: "Kongsfjord"
• Nergård Havfiske AS: "Breitind", "Sørkapp"
• Troland Havfiske AS: "Morten Einar"
• Fiskeskjer AS: "Fiskeskjer"
• Halstensen Granit AS: "Granit"
• Peter Hepsø Rederi AS: "Rav"
• Nordic Wildfish Ocean AS: "Molnes"

Ved førre opptrapping vart desse fartøya tatt ut i streik:

• Teigenes AS: Fartøyet "Teigenes"
• Eros AS: Fartøyet "Eros"
• Brennholm AS: Fartøyet "Brennholm"
• Hermes AS: Fartøyet "Hermes"
• Skårungen II AS: Fartøyet "Malene S"
• Nordland Havfiske AS: Fartøyet "Båtsfjord
• Finnmark Havfiske AS: Fartøyene "Gadus Neptun" og "Gadus Poseidon"
• Nergård Havfiske AS: Fartøyet "J. Bergvoll"

Ved første opptrapping var tre fartøy, med Fiskebåt sin styreleiar ChristiN Strand Halstensen som medeigar, tatt ut i streik; ringnotfartøya Slaatterøy, Manon og Gardar.

Då streiken starta vart maskinistane ombord på trålerne Senja til Nergård-konsernet og Gadus Poseidon til Lerøy Havfisk tatt uti streik.