Pluss på hotell og eigedom, minus på fisk

Gjennom konsernet Aalesund Enterprises driv familien Haagensen hotell, investerer eigedom og driv fiskeindustri og eksport av klippfisk, saltfisk og ferskfisk. Eigedom- og hotellverksenda vert drive gjennom underkonsernet Brødrene Jaangaard, fiskeriverksemda gjennom underkonsernet Jangaard Export (sjå tabellar under).

Aalesund Enterprises sysselsette 330 årsverk i fjor, 198 av dei i Jangaard Export, 132 i Brødrene Jangaard.

Høge råstoffprisar, som selskapet ikkje kunne ta att med tilsvarande prisauke til sine kundar, var hovudårsaka til at fiskeriverksemda gjekk frå eit lite pluss i 2022 til minus i 2023.

"Underskuddet skyldes i primært høye råstoffpriser sett opp mot hva markedet tåler og store investeringer i usentrale strøk. Våre konkurrenter i EU har vesentlig bedre rammebetingelser og får 50 % støtte til investeringer i produksjonsutstyr og bygninger", skriv styret i Jangaard Export i årsmeldinga for 2023.

Betre for hotell
Gjennom Brødrene Jangaard eig Aalesund Enterprises hotellselskapa Hotelldrift Ålesund (Scandic Parken), Hotel Noreg og 60,04 prosent i Hotel 1904 i Ålesund, i tillegg til Fjellstua, Ålesund Storsenter og Bybadet.

Hotellmarknaden i Ålesund har utvikla seg postitivt dei siste åra, ifølgje selskapet.

"Markedet for utleie hotellrom har tidligere vært utfordrende utenom sommersesongen grunnet overkapasitet, men har dei siste årene hatt en positiv utvikling", skriv styret i Brødrene Jangaard i årsmeldinga for 2023.

Over før-korona-nivå
Inntektene til alle tre hotellselskapa ligg klart over inntektsnivået før koronapandemien, sjølv om Hoteldrift Ålesund (Scandic Parken) hadde ein liten inntektsnedgang i fjor (sjå tabell).

Tidligare Hotel Scandinavie skifta namn til Hotel 1904 i 2019 og har gjennomgått ei omfattande oppussing både innvendig og utvendig. I 2019 var inntekten 16 millionar , i 2023 nådde dei neste 30 millionar og eit restultat nesten i balanse.