Prodtex-partnar nådde ikkje opp

Prodtex håpa å sikre seg kontrakt på bygging av den nær 900 meter lange Ramfjordbrua i Tromsø for Statens vegvesen.

Om dei fekk oppdraget ville selskapet ha behov for å hente opptil 30 millionar kroner i ny eigenkapital frå investorar.

– Oppdraget vil samtidig bety ei omsetning på kring 400 millionar kroner for Prodtex, sa Prodtex-medgrunnleggar Tore Roppen under ein presentasjon i mars i år.

Alliert med kinesisk selskap
Prodtex var ifølgje Statens Vegvesen samarbeidspartnar med det kinesiske selskapet SRBG. Ingen av dei kinesiske selskapa vart vurdert til å vere rettighetshavarar til å vere med i konkurransen, og vart ikkje plukka ut til finaleomgangen, ifølgje Statens Vegvesen.

Dei tre tilbydarane som skal vere med vidare i konkurransen er NCC Norge, Arbeidsfellesskapet Bertelsen & Garpestad AS og Metrostav Norge og Arbeidsfellesskapet Hæhre og PNC.

- Vi har vald ut dei te vi meiner vil gi oss ein reell og god konkurranse, seier prosjektleiar Jøran Heimdal i Statens Vegvesen.

Les pressemelding her

Automatiserer sveising
Prodtex har hovudkontor i Ulsteinvik og produksjonsanlegg på Fiskåholmen i Vanylven.

Ideen bak selskapet er å automatisere sveisearbeid slik at stålkonstruksjonar bygd i Noreg blir konkurransedyktige med konstruksjonar bygd i utlandet.