På denne karen kostar hovudet 43 kroner kiloen

- Ja, prisane har auka kraftig siste månadene. Sist veke kjøpte eg blåkveitehovud til 43 kroner kiloen, seier fiskekjøpar Daniel Harbo Pinheiro ved PHL Service i Fosnavåg.
Han kjøper i stor grad sjøfrosen kvitfisk frå linefartøy.
- Fiskarane får seg ei overrasking når eg fortel kva prisen for blåkveitehovud er. Det er ikkje mange år sidan prisen var 15 kroner kiloen.

Kina og Taiwan

Han seier at det er ein kombinasjon av lite fiske av blåkveite, auka etterspørsel og god valuteffekt som er årsaka til den store prisauken.
- Det er først og fremst Kina og Taiwan som etterspør blåkveitehovud, men også i Spania merkar vi aukande interesse.

Kina-stopp

Sist veke vart importen av blåkveite til Kina overraskane stoppa etter at kinesiske veterinærstyresmakter sette i gang omfattande kontroll av norsk fisk.
Men Kina vekke som mottakar av blåkveitehovud, kan prisane fort falle igjen.

Den totale norske blåkveitekvoten er i 2015 på 9675 tonn. Fram til og med veke 20 var det berre fiske 565 tonn av denne kvoten.
Til same tid i fjor var det fiska 842 tonn, viser .

Klart for kystflåten

Medan fisket etter blåkveite i stor grad har skjedd i regi av linebåtar og trålarar, var startskotet 25. mai for direktefiske etter båkveite for kystflåten under 28 meter.
Dette fisket er delt inn i to periodar, der det er avsett 4 000 tonn til direktefiske etter blåkveite i første periode og 1 700 tonn i andre periode.
Den andre perioden startar 27. juli.
Blåkveite er ein arktisk fisk som ikkje lever i sjøtemperaturar over fire grader. Fisken er mindre enn vanleg kveite, og er også farga på blindsida.