Redusert Hav Group-underskot

– På plussida har vi eit positivt ebitda-resultat og at vår verksemd for energidesign og smarte kontrollsystem leverer vekst og solide resultat. På minussiden er lavt aktivitetsnivå og tilhøyrande svake resultat innan skipsdesign og vannbehandlingssystem, seier konsernsjef Gunnar Larsen i Hav Group i ei børsmelding. (ebitda er ei forkorting for driftsinntekt før av og nedskrivingar).

Forretningområdet energidesign og smarte kontrollsystem er det datterselskapet Norwegian Electric Systems som står for. Forretningsområdet hadde 103 millioner kroner i driftsinntekt og eit resultat før skatt på 16 millionar kroner i første kvartal og er dermed det klart største forretningsområdet for Hav Group per i dag. 

Forretningsområdet skipsdesign hadde 30,3 millionar kroner i driftsinntekt og minus 4,8 millionar kroner i resultat før skatt. Forretningsområdet vassbehandling - som omfattar renseanlegg for ballastvatn på skip - hadde 14,6 millionar kroner i driftsinntekt og minus 6,8 millionar kroner i resultat før skatt i første kvartal.

Det fjerde forretningområdet for Hav Group er teknologi og system for å ta hydrogen i bruk som energiberar på skip. Om hydrogenet er produsert av elektrisitet frå fornybare energikjelder gir hydrogen null utslepp av CO2. Men hydrogen seglar i motvind om dagen, og det tek Hav Group konsekvensen av:

– Marknaden for hydrogen som skipsdrivstoff lar dessverre vente på seg. Vi har utvikla marknadsleiande  teknologi og kompetanse, som vi vil ta fram når marknaden er modemt for det. Inntil då er det fornuftig å ta ned kostnadsnivået på denne satsinga, seier Larsen i børsmeldinga.

Sjå resultatpresentasjon direkte i dag klokka 08:00, eller i opptak seinare

Havila Holding, som eig 34,87 prosent av børsnoterte Hav Group, er medeigar i Bakkar og Berg Media, som gir ut NettNo.