Redusert lønsemd hos Larsnes Mek. Verksted

Larsnes Mek Verksted har full sysselsetting ut 2024 skriv selskapet i kvartalsrapporten for 2023.

I åra 2016-2020 svinga inntektene til selskapet rundt ein halv miliard kroner, før dei passerte 600 millionar kroner i 2021 og nådde førebelse rekord, 772 millionar kroner i 2022.

Frå 2020 fekk selskapet og ein markert vekst i lønsemda. Resultat før skatt har vore over på over fem prosent av driftsinntektene i åra 2020-2022. I fjor fall den til 2,7 prosent.

Verftet har bygd ny dokkhall og auka avskrivingar er ein del av forklaringa på redusert overskot, saman med auka finanskostnadar og lønskostnadar.

Kasta av seg
Investeringa i dokkhallen, som var klar i oktober i fjor, har allereie kasta av seg i form av fleire vedlikehald, reparasjon- og ombyggingsoppdrag, ifølgje dagleg leiar og medeigar Jarle Mindor Gunnarstein.

Fleire av desse oppdraga hadde verftet ikkje fått utan hallen, seier han.

Dei siste åra har ombygging-, vedlikehald- og reparasjonsoppdrag utgjort rundt 20 prosent av driftsinntektene for Larsnes Mek. Verksted. Framover reknar Gunnarstein at den andel vil auke mykje.

Brønnbåtspesialist
Rofisk, selskapet som eig brønnbåtreiarlaget Rostein, eig 69,4 prosent av aksjane i Larsnes Mek. Verksted, og dei siste åra har brønnbåter vore ein viktig marknad for verftet, som saman med Aas Mek. Verksted har vore størst på bygging av brønnbåtar for oppdrettsnæringa.

Med innføringa av grunnrenteskatt på oppdrettsnæringa stoppa bestillingar av nye brønnbåtar.

Den første nye brønnbåten som er bestilt etter grunnrenteskatten kom skal byggast i Spania.

Oppdatering: Brønnbåtreiarlaget Sølvtrans offentleggjorde i dag - torsdag 11. juli - at selskapet har bestilt to nye brønnbåtar hos Aas Mek. Verksted.