Rekordkontrakt for Servi Ulsteinvik

Dette opplyser selskapet i ei pressemelding torsdag.
Kontrakten gjeld levering av hydraulikksystem til fem aktive hiv-kompenserte subsea-kraner (AHC) hos ein betydelig kranprodusent i Singapore.

3000 meter djupne

Kranene som er under bygging i Singapore skal installerast på fem subseafartøy som vert bygde hos PT JAJA Asatic Shipyard, Batam, Indonesia.
Servi Ulsteinvik opplyser at kranene har kvar ein løftekapasitet på 110 tonn SWL og er designa for operasjonar ned mot 3000 meters djupne.
Servi Ulsteinvik skal levere den regenerative delen av hydraulikksystemet, som inneber store akkumulatorsystem, ventilblokkløysingar og skjematikk.
Hydraulikksystema skal leverast i perioden september 2014 til april 2015.

Ulstein-utvikla

I følgje Servi Ulsteinvik er hydraulikksystema som skal leverast svært energibesparende i forhold til dagens konkurrerande AHC-system.
Systemet er utvikla i Ulsteinvik og skal byggast og testast i Ulsteinvik før sending til Singapore.
Dageg leiar Kjell-Atle Gjøringbø er fornøgd.
- Dette viser at avansert teknologi fra sunnmørske firma også kan hevde seg i konkurransen i den asiatiske marknaden.
- Vi ser på denne avtalen som eit spennende fotfeste innanfor ein ny marknad.

Treng ingeniørar

Gjøringsbø opplyser at selskapet har opsjon på ein tilsvarende kontrakt med same selskap.
Servi Ulsteinvik omsette i 2013 for 105 millionar kroner. Selskapet opplyser at med ein ytterlegare 20 % vekst første kvartal i år, så er behovet for ingeniørar stort.