Rekordsalg for Auto 8-8-butikkane

- Det var eit fole spennande år, seier konsernsjef Terje Sildnes i Auto 8-8-konsernet, som mellom anna eig Ford og Nissan-forhandlaren Auto 8-8 Vestlandske og Hyundai- og Mazdaforhandlaren Auto 8-8 Rico i Ålesund.

Begge to sette salsrekordar etter kraftig vekst i 2020 (sjå tabell).

Generell etterspørselsauke
Det var ikkje nye modellar, men ein generell etterspørselsauke som slo ut i auka sal i fjor, ifølgje dagleg leiar Jorunn Lundanes i Auto 8-8 Rico Bil.

Etter det første koronasjokket hadde lagt seg tok først brukbilsalet seg opp, deretter nybilsalet. Ferie i eige land og meir køyring trur Lundanes kan ha vore ei medverkande årsak til oppgangen i fjor.

Ho hadde ingen nye modellar i fjor, man har fått inn to ladbare hybridmodellar og ein ny heilelektrisk modell frå Hyundai i år.

Ford hadde nye ladbare hybridmodeller i fjor. Saman med ei stor og langvarig satsing på mindre nyttekøyretøy var det med og auka salet for Auto 8-8 Vestlandske fjor, i følgje konsernsjef Sildnes.

Konsernet har hovudkontor på Eide og omfatter i alt åtte forhandlarar, frå Kristiansund i nord til Førde og Florø i sør.

I 2020 hadde konsernet 930 millionar kroner i driftsinntekter og i år reknar Sildnes med å passere milliarden.