Koko Stine Elisabeth Goksøyr Øyvind Rekkedal Foto Ko Ko
EKSPORTVEKST: Stine Elisabeth Goksøyrs kjoleselskap Ko&Ko har kome opp i ein eksportandel på opp mot 40 prosent. Goksøyr er styreleiar, ektemannen Øyvind Rekkedal dagleg leiar. Foto: Ko&Ko.
Nytt

Rekordår i koronaåret

Ko&Ko fekk rekordlønsemd i fjor.

23.07.2021

Kjoleselskapet med kontor og distribusjonssentral i Herøy passert 23 millionar kroner i driftsinntekter og hadde eit resultat før skatt på 3,7 millionar i fjor.

Det er den beste lønsemda selskapet har hatt og kom etter ein auke i driftsinntektene på 17 prosent samanlikna med 2019 (sjå tabell).

Eksportvekst
Stine Elisabeth Goksøyr starta Ko&Ko i 2011, med 1,2 millionar kroner i driftsinntekter første året. Design og styring skjer frå Noreg, syinga hos underleverandørar i Aust-Europa. I åra 2012-2015 låg driftsinntektene i overkant av fem millionar årleg. Då starta ein bratt vektskurve som har gjort driftsinntektene over fire gangar større på fem år.

Det var salet til utlandet som auka mest i fjor, fortalde eigar og styreleiar Stine Elisabeth Goksøyr til NETT NO tidlegare i år.

– Salet i utlandet har bygd seg opp sakte over tid, men etter kvart har ballen begynt å rulle litt raskare, sa Goksøyr.

Både i Nederland og Sverige har Ko&Ko blitt oppdaga av aktørar med stor gjennomslag i sosiale media, som har gitt Ko&Ko solid drahjelp.

Nettbutikk
Ko&Ko sel kjolane sine først og fremst gjennom nettbutikken sin, som ikkje vart råka då deler av handelen måtte stenge av smittevernomsyn i mars i fjor.

Dessutan har selskapet som passa i koronatida, når store festar og arrangement måtte settast på vent,

– Vi sel mest kvardagskjolar, men hadde vi satsa meir på selskapskjolar, ville korona gitt større konsekvensar for oss, sa Goksøyr til NETT NO i mai i år.

Ko&Ko hadde og sflaks ved at selskapet nettopp hadde fått inn ei stor levering med klede rett før regjeringa stengte ned samfunnet i mars i fjor. Difor blei dei ikkje råka like hardt av utfordringane ved fabrikkane som følgje av smitteverntiltaka.

Ko&Ko as
Tal i mill. kroner20202019
Driftsinntekt23,620,1
Driftsresultat4,12,1
Resultat før skatt3,71,7

Publisert: 23.07.2021 11:00

Sist oppdatert: 23.07.2021 10:48

Mer om