Roarane i mål

Petter Gunnarstein og Robin Halsebakk har nettopp nådd Ålesund etter å ha lagt ut frå Trondheim fredag 24. august.
Undervegs har dei samla inn over ein halv million kroner til Kreftforeningen, og bodet på båten er no oppe i 150.000 kroner, seier Robin Halsebakk.

Siste dagen gjekk i strålande solskin, og roarane og gjester er no samla ved Sølvtrans sitt kontor på Skansekaia for å markere innsamlingsaksjonen og avslutning på turen.
Blant gjestane er både helseminister Bent Høie og fiskeriminister Harald Tom Nesvik.
I fjor var dei to Sølvtranstilsette på sykkeltur gjennom heile Noreg for å samle inn pengar til Kreftforeningen og drive reklame for oppdrettsnæringa.