Robert Svendsen skiftar jobb

Svendsen har vore ein del av leiargruppa i Ekornes sidan gjenreisinga av selskapet tidleg på 90-talet.
No skal han styre arbeidet med å innlemme IMG (Internasjonal Møbel Gruppe) i konsernet.
I første omgang betyr det å få på plass økonomifunksjon og rutiner i IMG, samt å arbeide med rasjonaliseringstiltak innanfor administrative område, .

400 millionar kroner

Ekornes betalar rundt 400 millionar kroner for tidlegare Hjellegjerde-sjef Nils Gunnar Hjellegjerde sitt norsk/asiatiske møbelselskap. Målet med kjøpet er mellom anna å få eit ekstra bein og stå på, for å kunne konkurrere i eit lågarer prissegment enn den tradisjonelle Ekornes-kolleksjonen.

Ny finansdirektør

I samband med kjøpet har Ekornes behov for kapasitet og kompetanse i IMG, skriv selskapet i børsmeldinga, og Svendsen er den som har fått jobben.
Jobbskiftet betyr også at Svendsen sluttar som finansdirektør straks ein etterfølgjar er på plass.
Han går ut av leiargruppa, og skal rapportere til administrerande direktør.