Seks fartøy til Vard Vietnam

Dei seks fartøya blir 85 meter lange og utstyrt for å kunne fjernstyrast frå land. Dei skal bruke ammoniakk som energikjelde. Skipa skal leverast i 2025.

Børsmeldinga fra Vard-eigar Fincantieri og pressemeldinga frå Vard opplyser ikkje pris på fartøya.

Les børsmelding her

Åtte skip i fjor
I fjor fekk Vard oppdraget med å bygge åtte liknande - 78 meter lange - skip for Ocean Infinity.

Også dei blir bygd ved Vard sitt verft i Vietnam og skal leverast i løpet av i år og neste år.

Dei skipa er teikna og konstruert skjer hos Vard Design i Ålesund og kontrollsystema er utvikla hos Vard Electro i Tennfjord og Ålesund.

Den nye kontrakten gir arbeid også til Vardselskapet Seaonics, som skal levere utstyret til å sette ut og ta inn fjernstyrte undervassfarkostar.

23 skip i Armada-flåten
Med dei seks skipa som er bestilt no vil Ocean Infinity få 23 skip i sin såkalla Armada-flåten.

Dei er bygd for å overvake og kartlegge havbotnen, samle data frå tilstanden i havet, leite etter skip eller fly på havbotnen og også kunne å fungere som frakteskip.

Bruk av ammoniakk som energikjelde - dersom ammoniakken er produsert med straum frå vind, vass- sol- eller atomkraft - gjer at skipa blir CO2-utsleppsfrie.

Qcean Inifity blei etablert i 2017 og har kontor i USA og Storbritannia.