Sikra finansiering i minst fire år

Møre og Romsdal fylke har gitt ein million kroner i støtte til Hafast as. Med det tilskotet er selskapet oppe i til saman fire millionar kroner i tilskot, gåver og ny eigenkapital.

Hafast as arbeider for at det skal bli bygd bru mellom Hareidlandet og Sula, slik at det blir ferjefritt samband mellom store deler av søre Sunnmøre og Ålesund.

I fjor gjekk selskapet ut og varsla at målet var å samle inn seks millionar kroner for å sikre fleire års drift.

Med fire millionar kroner på plass er Hafast i alle fall sikra finansiering i minst fire år framover. Det nok til å drive fram til neste rullering av Nasjonal transportplan, fortel dagleg leiar Lene Trude Solheim. Ho er også dagleg leiar i Næringsforeningen Ålesundregionen.