Sikra seg nok ei dobbelkontrakt

Aas Mek. Verksted har sikra seg kontrakt på bygging av to brønnbåtar frå Njord Aquashipping.

Bestillinga frå reiarlaget til laksegründer Helge Gåsø, kjem berre nokre dagar etter at Vestnes-verftet fekk inn bestilling på to spesialbåtar til Sølvtrans i Ålesund. Prisen på nybygga blir ikkje opplyst.

Kontraktane er mellom dei første etter at det har vore bom stopp for bygging av nye brønnbåtar i kjølvatnet av at lakseskatten kom på bordet.

Aquaship-Intership-reiarlaget var først ut med å bestille ny båt etter ordretørken eit par veker i forvegen.

Dei nye båtane Aas Mek. Verksted skal bygge, vil ha kapasitet på 4700 kubikk kvar. Framdrifta blir elektrisk og om bord blir det mellom anna varmegjenvinning.

Aas Mek. Verksted er eigd av dagleg leiar Bjørn Magne Aas og andre medlemmer av Aas-familien.

I 2022, som er sist tilgjengelige offentlige regnskap, hadde verftet en milliard kroner i driftsinntekter og et resultat før skatt på 89 millioner kroner.