Sju kommunar vil starte avfallsselskap

Sju kommunar er i samtaler om å etablere eit felles miljøselskap, som skal vere «ein førande aktør og rollemodell i avfalls- og gjenvinningsbransjen», heiter det i ei pressemelding frå Ålesund kommune onsdag.

I tillegg til Ålesund, er Vestnes, Fjord, Sula, Giske, Sykkylven og Stranda med i samarbeidet.

– Samla sett sit regionen på stor kompetanse og ressursar innanfor avfalls- og gjenvinningsområdet. Ei samling av desse ressursane i eitt selskap kan sikre at regionen utnyttar dei store mogelegheitene som ligg i avfall som ressurs, uttalar ordførar Eva Vinje Aurdal i Ålesund i meldinga.

Skal ikkje bli dyrare for innbyggjarane
Dei sju kommunane er så langt samde om ein intensjonsavtale som stadfestar ønske og vilje til å samla det interkommunale selskapet Årim (Ålesundregionen Interkommunale Miljøselskap) og Bingsa Gjenvinning i Ålesund.

Det blir påpeika at innbyggjarane ikkje skal få auka gebyrsatsane som følgje av samanslåinga.

Organiseringa skal sikre at alle kommunane får dekka sine behov for avfalls- og gjenvinningsområdet ved å etablere ein konsernmodell der kommunane kan ta ulikt eigarskap i konsernet, med bakgrunn i lokale behov og ambisjonar.

Vil vere i drift frå årsskiftet
I avtalen går det fram at målet er eit nytt selskap skal vere operativt frå årsskiftet.

– Selskapet skal opplevast som nytt og felles, og nytt namn for det samla selskapet kan vurderast, heiter det i avtalen.

Det blir vidare lagt opp til ein låg « inngangsbillett» for samarbeidskommunane, for å hindre at økonomiske rammer blir eit hinder for deltaking.

Kostnadane ved etableringa skal haldast nede ved å vurdere å nytte etablerte selskapsstrukturar