Prodtex har sikra seg avtalen basert på tidlegare utredningsarbeid på oppdrag for vegvesenet med fjordkryssingar av E39. Oppdraget er definert som eit forskings- og utviklingsprosjekt.
Brua er 65 meter lang og vil bli den første av sitt slag i Norge, ifølge ei pressemelding selskapet sendte ut tysdag.
– Dette er ein svært viktig kontrakt for oss og vi er svært stolte over at Statens vegvesen viser oss den tilliten. Dette understrekar vår rolle i arbeidet med å utvikle metodikk for moderne framtidsretta produksjon, seier Tore Roppen som no er gått inn i rolla som dagleg leiar i Prodtex Industri.

Robot- og lasersveis

Metoden er mellom anna basert på robotar til montering og sveising. I tillegg gjer ein sveisearbeid med hjelp av moderne laserteknologi. Planen er å starte produksjon på Fiskåholmen i Vanylven.

Les også:

Selskapet har sjølv designa konstruksjonen, og vil undervegs nytte arbeidet til å verifisere prosessane og metodikken dei har utvikla.
Bruken av ein digital tvilling av brua er også sentralt i arbeidet. Alle produksjonsdata vil bli henta ut i sanntid og lagra i tvillingen. Statens vegvesen sine folk vil også kunne følgje framdrifta av produksjonen direkte frå sine kontor.

Kan spare milliardar

Prodtex har tidlegare over Bjørnafjorden i Hordaland. Då fann dei ut at det kunne vere milliardar å spare.
Å bygge bruer i stål med dagens metodar inneber tidkrevjande manuelt arbeid. Teknologien ein no har jobba med, er ei vidareføring av lasersveisteknologien som har vore nytta til å bygge cruiseskip i skipsindustrien. Den nyttar også langt mindre energi enn tradisjonell sveising.

Håpar på store ringverknader

Roppen håpar prosjektet vil få store ringverknader, både når det gjeld miljøpåverknad og moderne produksjon.
– Industrien har gjennom dei siste 15-20 åra gjort seg avhengige av produksjon basert på lågast mogleg timekost frå lågkostland. Moderne design og produksjonsteknologi endrar konkurranseforholda. Ved å utnytte dette i lokal produksjon vil ein oppnå lågare kostnader og ein betydeleg meir sikker verdikjede. I tillegg er dette svært gunstig for miljøet, seier Roppen i metoden.