Skal levere fire båtar før sommaren 2022

Tap på eitt prosjekt i fjor er grunnen til underskotet i 2020, seier dagleg leiar Lasse Stokkeland.

I år skal Salthammer Båtbyggeri gå med overskot igjen, samstundes som veksten i driftsinntektene held fram, ifølgje Stokkeland.

Salthammer Båtbyggeri har spesialisert seg på servicebåtar til oppdrettsnæringa. Ein skal leverast i neste månad, tre i første halvår neste år og ein i 2023.

Bra marknad
Salthammer Båtbyggeri har 30 eigne tilsette og i alt 80-90 personar i arbeid nett no. I tillegg til å byggjer båtar lagar selskapet også stålkonstruksjonar for andre.

For å fylle ordreboka med oppdrag som skal leverast neste haust må selskapet få inn nye ordrar i haust.

Stokkeland er optimistisk.

- Marknaden verkar å vere bra, seier han.

Kjøpte designselskap
Under Aqua Nor-messa i august i år offentleggjorde Salthammer Båtbyggeri at det hadde blitt majoritetseigar i sin mangeårige samarbeidspartar Tomra Engineering.

Tomra Engineering har teikna arbeidsbåtane Salthammer Båtbyggeri byggjer.