Snuoperasjon etter tøffe år

Både 2022 og 2023 vart minusår for møbelprodusenten Stordal Møbel. Også 2024 har vore krevande, skriv styret i årsmeldinga for 2024.

Deler av aksjekapitalen er tapt og likviditeten er svært krevande, ifølgje årsmeldinga som er signert 14. september.

Jobbar med restrukturering og refinansiering
Konsekvensen av dette er at selskapet har starta ein snuoperasjon «med tilhørende restrukturering inn mot nye markedssegment og med tilhørende refinansiering. Heri ligger en rekke tiltak for å styrke selskapets egenkapital og likviditet, og for å sikre en positiv driftsutvikling».

Det skriv selskapet i årsmeldinga.

Forhandlar med investor
Stordal Møbel kan også få endringar på eigarsida:

"Styret ved styrets leder er i forhandlinger med én investor over en konkret case som både innebærer en eiermessig integrasjon og utvidet samarbeid for øvrig i møbelklyngen på Nord-Vestlandet.

På tidspunkt for avleggelse av årsregnskapet er man ikke i mål med de pågående prosessene, men styret forventer at dette er i mål i god tid før nyttår.", står det i årsmeldinga.

Sikra mellomfinansiering
Stordal Møbel sysselsette 21 årsverk i fjor.

Eigarane er dagleg leiar Ole Håvard Stavseng og Bjarte Falch Pedersen, som er eigarar gjennom eigne selskap.

Hovudbankforbindelsen DNB har sikra mellomfinansiering under omstillinga.

I august i år har Stordal Møbel signert eit samarbeidsavtale med "en betydelig aktør innen en komplementær nisje", som selskapet skal gi i vesentleg salsutvikling, ifølgje årsmeldinga.

Stordal Møbel er og i ferd med å inngå ein tilsvarande avtale med ein bransjeaktør i eit anna segment, skriv selskapet.

Nett No har ikkje lukkast å få kontakt med Ole Håvard Stavseng.