Håpar botnen er passert for møbel

Nett No-barometeret

I sine over 20 år i bransjen har Egil Sundet ikkje opplevde verre nedtur for møbelindustrien enn etter at møbelboomen under koronapandemien ebba ut. Sundet er bransjesjef i Norsk Industri og har mellom anna ansvaret for møbelindustrien.

Under koronapandemien i 2020 og 2021 la reiserestriksjonar ein dempar på feriereiser, og folk brukte pengar på oppussing og møblar i staden.

Etterpå slo renteauke og høg prisstiging inn. Omslaget viste seg først i at lønsemda fall frå 2021 til 2022. I fjor kom også eit markert fall i inntektene til møbelprodusentane, samstundes som enda fleire møblelprodusentar fekk underskot.

Sjå resultatoversikt for møbelbutikkar og -fabrikkar under

Av 19 selskap i Nett No si oversikt var det berre fire med plussresultat i 2023.

– Dyrtid og uro for framtida har gjort at Ola og Kari brukar mindre pengar på møblar og interiør, seier Sundet.

Omslag i vår
Førre større nedtur møbelbransen Sundet har opplevd var i finaskrisa 2007/2008, men den gjekk kjapt over.

Denne gangen har nedturen vart lenger. 2024 starta dårleg, men så kan det ha snudd.

– Første kvartal var fortsatt dalande, men mange rapporterer no at ordreinngangen har vore god i sommar og inn i august, seier Sundet.

Det er ingen som vågar å friskmelde marknaden enno, men det er absolutt positive signal, ifølgje Sundet.

Tek inn at folk
Auka ordreinngang gjer også at møbelbedriftene hentar inn att permitterte, eller brukar meir overtidsarbeid for å få bestillingane unna.

Førebels er det ingen som tek sjansen på å tilsette nye folk, ifølgje Sundet.

På lengre sikt er det eit positivt signal at eksporten til utlandet har halde seg nesten stabil dei siste åra. Det er innanlandsmarknadane som har svikta.

– Dei siste fem-seks åra har eksporten auka kraftig, seier Sundet.

Artikkelen held fram under, med oversikt over korleis det gjekk med møbelbutikkane i fjor.

Stillare i butikkane
Møbelbutikkane på Nordvestlandet hadde eit samla fall i inntekene på 30 millionar kroner frå 2022 til 2023 (sjå tabell under).

Sjå resultatoversikt for møbelbutikkar under

Det er ein nedgang på 5,6 prosent. I og med at prisane har stige er det fallet målt i mengda av møblar, enda større.

Sju av 17 butikkar i Nett No si oversikt gjekk minus i 2023, mot tre året før. Resultatet før skatt i prosent av driftsinntektene (resultatmargin) for dei 17 butikkane har falle frå 11 prosent i 2022, til 7,2 prosent i 2022 og vidare ned til 4,7 prosent i 2023.