Sogn og Fjordane Energi satsar på datasenter

Sogn og Fjordane Energi (SFE) si datasentersatsing kjem fram i kunngjeringane i Brønnøysundregisteret.

Selskapet Glaciercore I, Glaciercore II og Glaciercore III er registrert på Sandane i Gloppen kommune. Adressa er den same som Sogn og Fjordane Energi (SFE) har, styreleiar er konsernsjef Knut Arild Flatjord i SFE og dagleg leiar er Roger Flølo. Flølo er dagleg leiar i SFE sitt datteselskap Nyvinn.

Alle tre selskapa skal "Sikre tilgang til tomter og stå føre utbygging og drift av nett og infrastruktur og det som naturleg høyrer under dette. Ta eigenkapitalposisjonar i datasenterprosjekt på ei eller fleire av tomtene.", går det fram av kunngjeringane i Brønnøysund.

Var med på Lefdal Mine Datacenter
SFE var ein av eigarane av Lefdal Mine Datacenter som ligg eit nedlagt olivigruve på Lefdal, mellom Nordfjrodeid og Måløy.

Energiselskapet eigde 6,6 prosent av selskapet. I 2020 selde SFE og dei andre lokale eigarne til "The Columbia Threadneedle European Sustainable Infrastructure Fund" (ESIF), eit fond forvalta av det amerikanske investeringsselskapet Columbia Threadneedle Investments.

Tidlegare i år vart aksjemajortiteten i selskapet seld vidare til Investeringsselskapet 3i Infrastructure.

Tre Tafjord-selskap
Også Tafjord-konsernet ser etter tomter og partnar til ei datasentesatsing, som Nett No skreiv i førre veke.

Modellen er den same som SFE har vald, å finne tomter til eit datasenter og partnarar til å drive det.

– Vi er i diskusjon om tomter og med partnarar, skrein  konsernsjef Erik Espeset i Tafjord i ei tekstmelding til Nett No.

Tafjord sine selskap heiter Fjordcore Ålesund, Fjordcore Vanylven og Fjordcore Sjøholt.