Nådde milliardmål tre år før planen

I 2020 fekk Ole Magnus Orlien ansvaret Sparebank1 Søre Sunnmøre si satsing på formuesforvaltningrådgiving, med mål om å ha kundar med ein milliard kroner plassert innan 2024. Det målet vart nådd allereie i fjor.

- Dette er ein enorm marknad med eit enormt potensiale, seier Orlien.

Sal av etablerte bedrifter har frigjort store formuer på Nordvestlandet dei siste åra, i ein omfang og med verdiar som ein var heilt ukjent for få år sidan seier administrerander direktør Stig Brautaset i Sparebank1 Søre Sunnmøre.

Det er ei utvikling som banken ventar vil forsterke seg framover.

I løpet av det siste året har han og to kollegaer i avdelinga arbeidd med ti transaksjonar som har frigjort minst 10 millionar kroner kvar, seier Orlien.

Mest privatkundar
I 2018 var det forvalta rundt 250 millionar kroner etter råd frå Sparebank1 Søre Sunnmøre.

I 2020 var det oppe i ein halv milliard, og i fjor passerte summen ein milliard.

Innan to-tre år vil to milliardar vere passert, trur banken.

Omlag 75 prosent av midlane er eigd av privat eller bedrifter, resten av kommunar og andre aktørar i offentleg sektor.

Banken gir råd om korleis pengane skal plasserast, den daglege forvaltninga er gjort av forvaltningsselskap og fond.

Vil vekse i Nordfjord
Sparebank 1 Sørs Sunnmøre vurderer å etablere kontor i Stryn i løpet av året.

-Vi ser det som ein naturleg ekspansjon, seier administrerande direktør Stig Brautaset om etablering av kontor i Nordfjord, med Stryn som mest sannsynlege stad for det første kontoret i Nordfjord.

Banken la fram tala for 2021 i dag.

Les børsmelding her

Satsar i Oslo
Like før koronaepidemien kom etablerte Sparebank1 Søre Sunnmøre også eit kontor i Oslo, der tilsette frå Sunnmøre skulle arbeide på rotasjon.

Smitteverntiltaka la ein dempar på aktiviteten på kontoret i Oslo, men no har banken bestemt seg for å tilsette ein person i fast stilling i Oslo. Oslo-kontoret blei godt tatt i mot, og banken ønskjer å styrke satsinga der, ifølgje Brautaset.

Koronapandemien har råka privatøkonomi og næringsliv langt mindre enn frykta då den kom, ifølgje Brautaset.

- Vi har aldri hatt så lite overtrekk og misleghald som i denne perioden, seier han.

I bedriftsmarknaden har banken hatt null konkursar som skuldast koronaepidemien.