Spådde nedgang - fekk rett

I fjor spådde Skogstad-konsernet at boomen for selskapet sine sports- og fritidskle var over, etter inntektsrekord under koronapandemien.

Fritids- og sportskleda til Skogstad fekk vere med på oppturen til bransjen då smitteverntiltaka tvinga folk til å avlyse utanlandsreiser, og heller bruke tid og pengar på tur i heimlandet. Driftsinntektene til selskapet i 2022 var dei høgste selskapet nokon gong har hatt, og lønsemda i 2020 og 2021 var rekordhøg.

I fjor fall inntektene til konsernet 8,9 prosent, til 179,5 millionar kroner (sjå tabell under). Det er likevel godt over 151 millionar kroner, som var inntektene i 2019, før pandemien.

Kombinasjonen av redusert sal og tøff konkurransen går ut av lønsemda. Resultatet før skatt blei redusert til 0,4 millionar kroner for konsernet.

Store varelager
I årsmeldinga for 2022 skreiv selskapet at sportbransjen var prega av store varelager og press på marginane. Bodskapen er den same i årsmeldinga for 2023, og selskapet budsjetterer med at 2024 blir omlag som 2023.

Skogstad-konsernet har hovudkontor og distribusjonssentral i Innvik i Stryn. Konsernet har 68 tilsette.

Selskapet var opphavleg ein konfeksjonsfabrikk, men i dag foregår all produksjon hos leverandørar i Kina.

I dag har Skogstadkonsernet fire eigarar, søskena Ann Kristin, Frank og Henning Skogstad eig 30,003 prosent kvar, medan far Anton Per Skogstad eig 9,992 prosent.