Skogstad spår nedgang i år

Frå 2018 til 2022 auka Skogstad-konsernet driftsinntektene med over 50 prosent, til 194 millionar kroner.

Fritids- og sportskleda til Skogstad Sport fekk vere med på oppturen til bransjen då smitteverntiltaka tvinga folk til å avlyse utanlandsreiser, og heller bruke tid og pengar på tur i heimlandet. Driftsinntektene til selskapet i 2022 er dei høgste selskapet nokon gong har hatt, og lønsemda i 2020 og 2021 var rekordhøg.

No er imidlertid lagra i sportsbransjen store og presset på marginane er større i 2023 enn dei har vore dei siste åra, skriv Skogstad-konsernet i årsmeldinga for 2022.

Mindre kjøpekraft
I tillegg er det uro i marknaden på grunn av verdssituasjonen, generell kostnadsauke og dermed reduserte kjøpekraft hos forbrukarane, ifølgje årsmeldinga.

Konsekvensen er at Skogstad budsjetterer ned inntektsnedgang i år.

Produserer i Kina
Skogstad-konsernet har hovudkontor og distribusjonssentral i Innvik i Stryn. Konsernet har 64 tilsette.

Selskapet var opphavleg ein konfeksjonsfabrikk, men i dag foregår all produksjon hos leverandørar i Kina.

Leveringssituasjonen er stabil og stort sett tilbake til normalen, heiter det i årsmeldinga.

I dag har Skogstadkonsernet fire eigarar, søskena Ann Kristin, Frank og Henning Skogstad eig 30,003 prosent kvar, medan far Anton Per Skogstad eig 9,992 prosent.