Spår oppsplitting av laksegigantane

NPK-NTB: Regjeringas forslag om ny skatt på havbruk kan føre til at selskapa blir delt i mindre einingar. Slik vil dei unngå ekstraskatten, meiner investeringsdirektør.

Dersom regjeringa får viljen sin, skal overskotet til dei store sjømatselskapa skattleggjast med 40 prosent ekstra på toppen av selskapsskatten på 22 prosent.

Kuttar skatten frå 62 til 22 prosent
Investeringsdirektør Robert Næss i Nordea seier til NRK at han trur selskapa vil gjere alt dei kan for å sleppe unna skatten som rammar dei største aktørane.

– Den praktiske konsekvensen vil bli at ein splittar opp selskapa. Det er ingen grunn til å betale 62 prosent skatt viss du kan sleppe unna med 22 prosent skatt, seier Næss.

Mowi vil selje ut
Han spår at selskap som Mowi vil selje unna delar av verksemda.

– Så får du i staden ein haug med mindre selskap, seier han.

Mowi er i dag det største sjømatselskapet i verda med John Fredriksen som dominerande eigar.

Ekstraskatten skal berre gjelde for selskap som har løyve til å produsere meir enn 4000–5000 tonn i året. Sju av ti selskap produserer mindre enn dette, følgje høyringsnotatet frå regjeringa.