Stiftar nytt skipsmeklarselskap

Skipsmeklarselskapet Atlantic Marine i Ålesund vart tidlegare i år dømt til å betale 24 millionar kroner i erstatning søstrene Eva Toril Strand og Dagny Elisabeth Strand Bachmann etter salet av fiskebåten Stormfuglen.

Lagmannsretten gav søstrene medhald i at meklaroppdraget vart utført på ein slik måte søstrene fekk for dårleg betalt, og at Atlantic Marine, og Stig Vang sin partnar i Atlantic Marine, Kåre Sindre Nyvoll, er erstatningspliktig.

Dommen kan ankast og er ikkje rettskraftig.

Nytt selskap
15. mars i år offentleggjorde Brønnøysundregistera at selskapet Amarine Shipbrokers er skipa.

Vedtekstdatoen er 23. februar i år.

Forretningsadressa er på Valderøya. Vang er dagleg leiar og styreleiar. Carina Dyb Nyvoll er styremedlem.

Selskapet skal drive med: "Skipsmegling, kjøp og salg av fiskefartøy, megling og formidling av aksjer og aksjeselskap og andeler i andre selskap, samt deltakelse i andre selskaper."

NettNo har ikkje lukkast å få svar frå Stig Vang om bakgrunnen for selskapsetableringa, eigarskap, og om Amarine Shipbrokers per i dag er eit selskap i drift.

Gode år
Både 2022 og 2021 var gode år for Atlantic Marine, som Stig Vang og Kåre Sindre Nyvoll eig 50/50 gjennom eigne selskap. (2022 er det sist tilgjenglege offentlege rekneskapet til selskapet).

I 2022 hadde Atlantic Marine 25 millionar kroner i driftsinntekt og 19,2 millionar kroner i resultat før skatt. Den bokførte egenkapitalen var 16,1 millionar kroner, der 10 millioner kroner sto i banken. Eigarne tok ikkje ut utbytte etter 2022.

I 2021 var driftsinntektene 26,7 millionar kroner og resultatet før skatt 20,3 millioner kroner. Etter 2021 tok eigarne ut 16 millioner kroner i utbytte.