Stor interesse for Måløy-konferanse

- I starten håpte vi på 100 påmelde, så interessa er over all forventning og med eit stort geografisk nedslagsfelt.
Det seier prosjektleiar Martin Hagen for konferansen som er i regi av Måløy Vekst tysdag,

Student-konkurranse

Av dei 181 påmelde er det representantar frå ni ulike fylke.
- Flesteparten kjem fra næringslivet på kysten i mellom Ålesund og Bergen. I tillegg kjem det studentar fra dei fleste universitetene i Norge til Sett Sjøbein sin studendtboot-camp.
- Dei arbeider no i tverrfaglige team og skal presentere nye innovative løysingar for det marine næringslivet på konferansen, seier Hagen.
Det er fiskeriminister Harald Tom Nesvik som skal dele ut prisen til vinnaren av Sett Sjøbein, som er eit nasjonalt samarbeidsprosjekt for å synleggjere mulegheiter i sjømatnæringa, innanfor havbruk, fiskeri og sjømatforedling.
Sett Sjøbein vart etablert i 2008, og vert finansiert av Nærings- og fiskeridepartementet (NFD) og Fiskeri- og havbruksnæringens forskningsfond (FHF).

Restråstoff og samarbeid

Fokus på konferansen er bruken av restråstoff, samarbeid mellom næringsliv og akademia og mulegheitene for det marine næringslivet i regionen.
I tillegg til Nesvik er det ei lang rekkje innleiarar.
Konferansier er Hildegunn F. osmundsvåg, som er tidlegare sjømatutsending i Spania, men som no er dagleg leiar i Star Seafood.
Konferansen vert avslutta med festmiddag på Hagevik Tønnefabrikk med framvisning av tradisjonell tønneproduksjon og middag som blir servert i eit samarbeid mellom Kraftstasjonen Restaurant og Kolonial og Måløy Vidaregåande si kokk og servitørlinje.