Stor interesse for Nor-Shipping

Det blir meir utstillingsplass, større internasjonal involvering, nye nettverksmoglegheiter og eit utvida konferanseprogram som omfattar havbotnmineral, LNG og finans, lovar arrangørane i ei pressemelding.

Nor-Shipping 2025 blir også ei markering av 60-årsjubileet til messa, som held til på messeområdet på Lillestrøm.

Utvidar messeområdet
Ifølgje arrangørane er dei på veg til å bli utselde, trass i at dei har utvida messeområdet til å omfatte ein andre etasje over Hall D og ein telta hall mellom hallane Bog C.

Nor-Shipping-direktør Sidsel Norvik fortel at utviklinga av messa alltid har blitt gjort i tett samarbeid med nøkkelpersonar i industrien og offentlege interessentar. På den måten meiner ho dei sikrar relevant tematikk for å trekkje til seg dei viktigaste aktørane innan dei globale havnæringane.

Ho meiner dette kjem til å bli den største, beste og mest dristige Nor-Shipping hittil.