Lakseforedlingsselskapet Frost Seafood på Moltustranda gjekk ut av 2024 med eit underskot på 8,1 millionar kroner og 10 millionar kroner i negativ eigenkapital, ifølgje årsmeldinga for 2024.
Gjelda var på 32,7 millionar kroner. Selskapet sysselsette fire årsverk i fjor og tilbyr ulike typar laksefiletar, ifølgje nettsida si.
Ifølgje årsmeldinga er det "knyttet usikkerhet til fortsatt drift", men styret meiner det likevel er grunnlag for å drive vidare:
"Selskapet har hatt negativ kontantstøm det siste året, fordi selskapet har vært i en utviklingsfase. Selskapet er nå i en tidlig kommersiell fase og investerer i fremtidig overskudd. Styret følger likviditetssituasjonen tett. Aksjonærene har gitt uttrykk for at de vil tilføre nødvendig kapital dersom det er nødvendig for å sikre fortsatt drift av selskapet, men dette er ikke formalisert ved avleggelse av årregnskapet.", skriv selskapet i årsmeldinga.
Ein eigar
I følgje årsmeldinga har Frost Seafood ein aksjonær, Linas Jakubauskas.
Nett No har ikke lukkast i å få kontakt med Jakubauskas. Meldingar til selskapet, epost eller eller via telefonsamtale med ein tilsett, er ikkje besvart.
Per i dag er det ingen registrerte kunngjeringar om kapitalutvidingar i selskapet etter etableringa i juli 2022.
I databasen proff.no er Jakubauskas oppført som styreleiar og dagleg leiar.
Konkurs i 2022
Førre selskap som dreiv fiskeforedling industribygget på Moltustranda - Atlantic Seafood - gjekk konkurs i november 2022.
Daniel Andersen var eineeigar av selskapet, ifølgje Brønnøysundregistra.
Atlantic Seafood starta ny drift på Moltustranda i 2021, etter at også selskapet som dreiv i bygget før Atlantic Seafood gjekk overende.
| Frost Seafood as | ||
| Tal i mill. kroner | 2024 | 2023 |
| Driftsinntekt | 0,9 | 4,7 |
| Driftsresultat | -7,1 | -1,9 |
| Resultat før skatt | -8,1 | -1,9 |
Publisert: 22.09.2025 05:00
Sist oppdatert: 21.09.2025 20:05
