Stryn vil byggje ny cruisehamn

Neste år er det lagt inn bestillingar på 174 cruiseskipsbesøk ved kaianlegget i Olden, og ifølgje NRK Sogn og Fjordane vil det bety om lag 450.000 cruiseturistar. Kommunen trur at utviklinga vil halde fram i åra som kjem.

Kontaktutvalet i Olden har lenge uttrykt ro over at bygda ikkje er i stand til å handtere så store turistmengder som det no blir planlagt for.

– Det handlar om alt frå søppeltømming, ladestasjonar og vegar, seier leiar Ketil Finsås Hansen. Han minner om at det er mange flaskehalsar på vegane i området.

- Bør sjå til Venezia
Fungerande leiar i Miljøpartiet Dei Grøne, Arild Hermstad, meiner Stryn kommune bør sjå til Venezia i Italia, som har lagt strenge restriksjonar på cruisetrafikken. Han meiner det er ein svært dårleg ide å byggje ut store område i og rundt strandsona for cruisenæringa.

Han meiner Stryn heller bør satse på kortreiste turistar, som han meiner lønner seg både økonomisk og ut frå klimaomsyn.