Sula-bedrift satsar meir på bubilmarknaden

- Ja, det har tatt seg skikkeleg opp. Spesielt er det mange oppdrag om spesialtilpassing av overmadrasser og forespørslar om å trekke opp att puter i bubilsalongen, seier avdelingsleiar Rune Alnes.
Han leier avdelinga Sy og Seil i bedrifta som er etablert for å gi eit arbeidstilbod for personar som treng tilrettelagt arbeid.

Leverer spesialsaum

Langevåg-bedrifta har rundt 45 tilsette, og var av utstillarane under årets Båt- og Caravanmesse i Ålesund.
Frå før har bedrifta hatt mange oppdrag i spesialsaum og reparasjon av båtkalesjer og båtputer.
- Vi er godt utstyrte med maskiner, og kan ta på oss dei fleste oppdrag.
- Blant anna sveiser vi presenningar, skiftar glidelås og rettar opp dei fleste feil og manglar.

Få slike aktørar

Alnes seier at satsinga på båtmarknaden held fram for fullt, men han trur veksten kjem mest innanfor bubilar.
- Hittil har vi hatt mest leveransar lokalt. No diskuterer vi om vi skal ta oppdrag frå fleire deler av landet.
- Det finst ikkje så mange aktørar som kan utføre slikt arbeid som vi gjer.

Jaktar meir oppdrag

I tillegg til Sy og Seil, har bedrifta eit moderne vaskeri, ei miljøavdeling som blant anna sel ved og hjelper til med hagestell og plenklipping for kundar i Sula og Ålesund
- Vi kan ta på oss endå meir oppdrag, seier Alnes, som melder om stor interesse for bedrifta under messa i Ålesund.
Sula Bedriftsteneste er eigd av Sula kommune. Bedrifta omsette i 2018 for 17,2 millionar kroner.

Meir frå båt- og caravanmessa: