SV vil forby store båtar å fiske nær land

NPK: No fremjar SV forslag om å forby store båtar å fiske nær land.
– Når dei store fiskebåtane, på opptil 50 meter, kjem heilt inn til kysten, fører det til at det blir fiska mykje meir. Kapasiteten på desse båtane er jo enorm, og det fortrenger mindre fiskebåtar, seier fiskeripolitisk talsperson Torgeir Knag Fylkesnes (SV) til
Fylkesnes får støtte frå Jo Inge Hesjevik i Troms og Finnmark Høgre. Han set spørsmål ved om det er god fiskeriforvaltning å sleppe dei store fiskebåtane inn til kysten.

- Størrelse ikkje nok grunnlag

Fiskeribåtreiarane avviser påstanden om at den havgåande flåten pressar dei mindre fiskebåtane vekk.
– Enkelte likar berre ikkje dei store fiskebåtane, men det at desse båtane er større enn andre fartøy, det er ikkje ein god nok grunngiving for å vise dei vekk, seier forbundsleiar Audun Maråk i Fiskebåt.
I tillegg til moglege negative effektar for kystflåten, blir også moglegheita for vern av kysttorsken fremja som eit problem når den havgåande flåten fiskar nært land. Fylkesnes (SV) meiner dette fisket kan gå hardt utover den trua kysttorsken.