Svakare sal - betre resultat

Sperre Industri er eigd av Sperre Compressors, som frå mai i fjor har vore 94 prosent eigd av to fond forvalta av Norvestor Equity.

Ellingsøy-selskapet omsette i fjor for 357,3 millionar kroner, litt ned frå året før (sjå tabell).

Derimot auka resultatet før skatt frå 77,5 millionar til 89,2 millionar kroner.

Fleire kvinner
I årsmeldinga vert det vist til at koronautfordringane har ført til lavare eksport til enkelte marknader, men leiinga er godt fornøgd med at ein nesten har klart å halde oppe omsetjinga, og i tillegg auke innteninga.

Sperre Industri har 80 tilsette i Norge, i tillegg til to ved salskontor i Kina og ein ved salskontor i korea.

Leiinga opplyser at ein har arbeidd med å auke kvinneandelen i alle deler av konsernet, og har no to kvinner i leiinga, to i styret og 16 i andre avdelingar.

Sperre Industri har omlag 20 prosent av verdsmarknaden for startluftkompressorar til den maritime marknaden, og jobbar også for å vinne innpass på land, mellom anna i kraftproduksjon.

I konsernet inngår også Sperre Sveis. Dette selskapet omsette i fjor for 14,5 millionar kroner, og hadde eit resultat før skatt på minus 0,4 millionar. Sperre Sveis har sju tilsette.